Alxeria garantirá a subministración actual de gas natural a España

Alxeria e España estudan proxectos futuros de cooperación no sector eléctrico que permitan a ambos países aumentar a produción e realizar intercambios a través dun cable submarino no Mediterráneo.

A ministra para a Transición Ecolóxica e o Reto Demográfico Teresa Ribera reuniuse hoxe en Alxer co seu homólogo alxerino para estudar a mellor forma de transportar o gas unha vez que se peche, o domingo, o gasoducto Arxelia-España que pasa por Marrocos. 

A visita de Ribera produciuse ante a inquedanza que desatou a decisión de Alxeria de abandonar a partir do próximo 31 de outubro, data na que expira o contrato, a subministración de gas a España a través do Gasoduto Magreb Europa, que atravesa Marrocos, país co que o Goberno alxerino rompeu relacións diplomáticas no verán. Alxeria garantiu este mércores a España que manterá inalterado a subministración xa pactada e que mesmo está preparado para aumentar os volumes no caso de que Madrid demande cantidades adicionais, grazas a un plan de abastecemento con buques con gas licuado.

Afondar na relación enerxética

Ribeira sinalou que, máis aló dos hidrocarburos, sobre a mesa discutíronse outros proxectos de cooperación bilateral enerxética noutros sectores, como o da electricidade e as enerxías renovables.

Ambos os países "Teñen desafíos parecidos no ámbito do cambio climático, da enerxía, da auga, e teñen relacións institucionais, diplomáticas e comerciais en ámbitos moi distintos", asegurou Ribera.