España abrirá unha oficina diplomática en Moldova
España abrirá unha oficina diplomática en Moldova
Pedro Sánchez comprométese a defender a integridade territorial do país
O presidente do Goberno reúnese coa presidenta e coa primeira ministra moldovas e visita un centro de refuxiados
España vai abrir unha oficina diplomática en Moldova para reforzar as relacións bilaterais entre os dous países.
Anunciouno o presidente do Goberno, que está de visita oficial en Chisináu. Pedro Sánchez reuniuse coa presidenta e a primeira ministra do país, e visitou un centro de refuxiados ucraínos.
O presidente do Goberno comprometeu o apoio de España a Moldova en caso de que a invasión rusa traspase fronteiras e se traslade ao país.
"Desde a súa elección o goberno de Moldova defendeu un proxecto reformista e proeuropeo e España apoia plenamente esa axenda de reformas, e ímola seguir apoiando xunto co resto da Unión Europea. A actitude de Moldova na crise de Ucraína considero que é exemplar", asegurou Sánchez.
