España investiga a entrada fraudulenta de gasóleo ruso

O gasóleo marca mínimos deste ano e cae por debaixo do euro e medio o litro. O Goberno non descarta que esa baixada se deba a que estea entrado diésel ruso, pese a que está vetado polas sancións a Rusia impostas en toda a Unión Europea.

A vicepresidenta terceira e ministra para a Transición Ecolóxica, Teresa Ribera, asegurou que o seu departamento está en contacto con Bruxelas para aclarar se está entrando na Unión Europea petróleo e produtos derivados a través de barcos, con acreditación falsa, "que pararon en portos intermedios e incluso nalgún momento pasaron por algún porto ruso".