Esta madrugada cambia a hora: os reloxos atrásanse, ás 3 serán as 2

Cada último domingo de outubro repetimos este mesmo xesto, atrasamos as agullas do noso reloxo para que ás tres da mañá volva marcar as dúas, de tal xeito que o domingo terá unha hora máis.

Tendo en conta que no verán hai seis horas máis de luz, esta modificación horaria faise en todos os países da Unión Europea, fundamentalmente para axustar a xornada laboral ás horas de luz natural.

Permaneceremos neste horario ata que en marzo adiantemos unha hora o reloxo.