Este luns faise efectiva a eliminación do IVE ao aceite de oliva

Este luns faise efectiva a eliminación do IVE ao aceite de oliva aprobada esta semana polo Goberno. Non haberá que pagar o imposto sobre o valor engadido por este produto durante tres meses. 

Entre outubro e decembro o tipo elevarase ao 2 %, coincidindo coa previsión de que a inflación dos alimentos baixe. En todo caso, cando os tipos volvan á normalidade, o IVE máximo do aceite non superará o 4 %, xa que foi incluído na cesta de produtos básicos.