Estudantes de primaria rastrexan aves no campus de Ourense
Estudantes de primaria rastrexan aves no campus de Ourense
É unha actividade orientada a que saiban identificar as especies da súa contorna
Equipados cun bo surtido de prismáticos, os alumnos das franciscanas de Ourense recibiron no Campus universitario unha lección práctica de ornitoloxía. "Que os nenos veñan aos parques e saiban identificar unha pega, un paporrubio e cousas así", explica Nancy Blanco, fundadora de Amigas das Cegoñas e guía da actividade.
Para avistar aves, cómpre ter moita calma... É, sen dúbida, o que máis lles custou a estes estudantes de cuarto de primaria. "Escoitan moito e, se fas ruído, asústanse a marchan. É un pouco complicado. E como somos moitos...", xustifícase unha cativa.
A actividade desenvolveuse no campus universitario porque, nun espazo próximo e reducido, puideron contemplar distintos hábitats para as aves, desde o propiamente urbano, ao boscoso, nas árbores, e mesmo acuático, nun pequeno estanque.
