Evacúan vinte persoas de seis casas de Paiporta por risco de derruba

Os bombeiros desaloxaron por risco de derruba seis casas de Paiporta, as máis próximas ao barranco que se desbordou durante a DINA. Os vinte veciños evacuados serán acollidos temporalmente por familiares mentres os bombeiros inspeccionan o estado dos cimentos dos edificios.

Os desaloxados residían en seis casas situadas nas proximidades do barranco do Poio, que se desbordou durante a DINA arrasando Paiporta.

A decisión de desaloxalos tomouse para evitar riscos mentres os bombeiros inspeccionan o estado en que quedaron os cimentos dos edificios despois da riada.

Nesta mesma zona, a auga derruíu varias casas, que permanecen precintadas pola policía.

Segundo informou o servizo de Emerxencias da Generalitat, os vinte desaloxados serán acollidos temporalmente por familiares.

Situada na chamada zona cero, Paiporta é unha das localidades valencianas máis afectadas polas inundacións da semana pasada.

Os traballos de limpeza continúan a bo ritmo e as brigadas afánase agora en retirar o lixo acumulado nas rúas e en reparar os sumidoiros.