Evenepoel gaña o man a man con Mas e deixa encamiñada a Vuelta

Tocaba na Vuelta xornada de montaña, unha das últimas oportunidades para poñer en problemas o líder Remco Evenepoel. O día empezou con susto, unha caída masiva en que se viron implicados Carlos Rodriguez, cuarto na xeral, e o líder da montaña Jay Vaine, que tivo que abandonar a carreira.

A última ascensión converteuse nun man a man entre os dous primeiros da clasificación. Evenepoel deu unha nova mostra de autoridade. Saltou a todos os ataques que lanzou Enric Mas e mesmo contraatacou. Evenepoel volveu demostrar ser o máis forte, gañou a etapa e mesmo lle sacou dous segundos a Mas, que agora está a 2:07.