Éxito do filme "O home e o can", participado pola CRTVG, con seis galardóns no Festival de Cine de Madrid
Éxito do filme "O home e o can", participado pola CRTVG, con seis galardóns no Festival de Cine de Madrid
Éxito do filme "O home e o can", participado pola CRTVG, con seis galardóns no Festival de Cine de Madrid
A película de Ángel de la Cruz logra o Premio da Crítica
Era a primeira vez que se proxecta fóra de Galicia, tras a estrea no OUFF en Ourense, coa versión orixinal en galego e o fíxoo por todo o alto
A película "O home e o can'" producida por Ézaro Films e Caladiño Filmes coa participación de CRTVG e o apoio da Deputación de Ourense, fíxose este domingo con seis galardóns na 31 edición do Festival de Cinema de Madrid.
O filme de Angel de la Cruz lograba o Premio da Crítica concedido por un xurado formado por Mariela Cubells, da SER; Moisés Rodríguez, de RTVE; e Gregorio Belinchón, do País.
Era a primeira ocasión en que a película saía de Galicia na súa versión orixinal en galego e facíao ao grande. Ademais, foron galardoados os seus protagonistas, Manuel Manquiña e Paula Chaves cos premios para A Mellor Interpretación Masculina e Feminina, respectivamente.
Tamén recibía o premio para A Mellor Montaxe Alejandra Sotelo e recollía o galardón para O Mellor Guión e A Mellor Dirección de Casting o propio Angel de la Cruz, que aproveitou para dedicar este último a todos os seus actores.
"O home e o can" cos exteriores gravados integramente en Ourense, conta a historia de Manuel, un home con capacidades intelectuais afectadas que non saíu nunca da súa aldea, na que vive completamente só tras a morte da última veciña, pero co seu inseparable can. Ata que un accidente do animal obrígao a ir á cidade en busca dun veterinario. No medio dese caos o protagonista atoparase con Paula, interpretada por Paula Chaves, quen foxe dun fogar desestruturado en busca da liberdade.
Dúas personaxes aparentemente antagónicas converteranse, sen agardalo, en dous amigos, unidos pola soidade.
