Extinguido o incendio de Palas de Rei despois de queimar 126 hectáreas
Extinguido o incendio de Palas de Rei despois de queimar 126 hectáreas
Xunto ao que queimou outras 27,5 hectáreas en Castro de Rei, foron os primeiros de relevancia do verán galego
O incendio forestal de Palas de Rei quedou extinguido este luns tras queimar 126 hectáreas desde o seu inicio o venres, informa a Consellería do Medio Rural.
Este incendio, xunto ao que queimou outras 27,5 hectáreas esta fin de semana en Castro de Rei, foron os primeiros de relevancia do verán galego.
O incendio de Palas de Rei empezou na parroquia de Orosa ás 16:21 horas do venres, aínda que quedou controlado o sábado.
Queimou 126,09 hectáreas, das que 117,59 corresponden a monte raso e 8,5 son de monte arborizado.
A extinción confirmouse ás 12:25 horas de hoxe tras o traballo de 4 técnicos, 28 axentes, 26 brigadas, 22 motobombas, 3 pas, 4 avións e 5 helicópteros.
Entre ambos os incendios superaron as 153 hectáreas durante unha fin de semana con intensa calor que terminou con choiva.
