Falece o vigués que foi agredido á saída do concerto de Karol G en Madrid

Faleceu o home de Vigo que foi agredido á saída do concerto de Karol G en Madrid. Xa hai un detido.

A vítima, de 42 anos, morreu nun hospital madrileño, onde ingresou con prognóstico moi grave. A agresión foi a pasada madrugada ao acabar o concerto.

Semella que a vítima facía unha videochamada coa súa parella, pero un grupo de mozas pensou que as estaba gravando. Nese momento, un home recriminoullo e golpeouno na cara. A vítima caeu ao chan e fracturou a base do cranio.

O autor da agresión, de 33 anos, está detido por un delito de homicidio imprudente.