Morre un home esmagado polo tractor que manexaba no concello de Baleira

No concello lugués de Baleira morreu un tractorista este sábado a primeira hora do serán. Faleceu esmagado polo tractor que manexaba nunha pista forestal da parroquia de Martín.

Efectivos de Protección Civil e dos bombeiros de Sarria que se trasladaron ao lugar non puideron facer nada para salvarlle a vida. 

As primeiras investigacións apuntan que, nunha manobra nunha zona de pendente, o tractor envorcou e o home quedou debaixo. Un sobriño que estaba con el quedou ferido. 

É o segundo tractorista falecido nas últimas 24 horas en Galicia. O pasado venres morreu un veciño de Gondomar tamén nun accidente cun vehículo agrícola.