Falece atropelado un home de 79 anos en Barbadás

Un home de 79 anos, veciño de Ourense, faleceu este martes atropelado por un vehículo cando camiñaba por un carreiro de terra paralelo á calzada.

O tráxico suceso produciuse á altura da OU-402, ao seu paso polo municipio ourensán de Barbadás.

Ata a zona desprazáronse profesionais médicos do servizo de emerxencias sanitarias do 061, ambulancias e o helicóptero medicalizado, aínda que non puideron facer máis nada que certificar o falecemento do home.