Morre un home en San Cibrao das Viñas supostamente atropelado por un camión
Morre un home en San Cibrao das Viñas supostamente atropelado por un camión
A vítima foi atopada por outras persoas tendida na estrada, e contoulles que fora atropelado por un vehículo pesado
Cando chegou a atención médica, o home faleceu
Un home faleceu este venres en San Cibrao das Viñas atropelado na estrada OU-525. Trátase dun veciño de Maceda, de 56 anos.
Ocorreu no quilómetro 233, onde pouco antes do mediodía un particular atopou o home tendido no asfalto, polo que contactou de inmediato co 112 Galicia solicitando asistencia sanitaria urxente.
Segundo explicou durante a súa chamada, puido falar coa vítima, que aínda estaba con vida e que lle sinalou que acababa de atropelalo un camión. Naquel momento non había ningún vehículo no punto.
Unha vez desprazados ao lugar os servizos de emerxencia, a pesar dos esforzos dos sanitarios, só puideron confirmar o seu falecemento.
A Garda Civil investiga o suceso e trata de dar co vehículo que bateu contra o peón para aclarar se foi un accidente e o condutor non se deu conta do ocorrido, ou se se fugou do lugar tras o impacto.
.png)
