Falece un home de 38 anos nun accidente de tráfico en Xermade

Un veciño de Fene de 38 anos morreu pouco antes da medianoite nun accidente de tráfico que se rexistrou en Xermade.

O turismo que conducía a vítima mortal saíu da vía pola marxe dereita e colidiu contra a barreira metálica de seguridade á altura do quilómetro 43 da autovía AG-64 (Ferrol-Vilalba).

 O condutor do vehículo faleceu no intre, e a persoa que ía canda el quedou ferida. Ata o lugar do accidente desprazáronse os equipos de emerxencia, os bombeiros de Vilalba, que excarceraron o falecido atrapado no turismo, axentes da Garda civil de Tráfico de Lugo e efectivos do servizo de mantemento de estradas.