Falece un motorista de Boiro tras sufrir unha caída en Silleda

Un motorista faleceu esta mañá tras sufrir unha caída cando practicaba motocróss pola parroquia de Escuadro, no municipio pontevedrés de Silleda. Segundo informou o 112, foi un particular o que sobre as 10:20 horas deu a voz de alarma e detallou, na súa chamada, que a persoa apenas respiraba.

O home, de 45 años e natural de Boiro, saíu da vía e bateu contra unha nogueira mentres realizaba motocrós cun grupo de amigos. 

A central de emerxencias deu aviso aos profesionais de Urxencias Sanitarias de Galicia-061, pero non puideron facer nada por salvarlle a vida.

No operativo tamén participaron os axentes da Policía Local e da Garda Civil de Tráfico.