Falece un motorista tras saír da vía en Teo
Falece un motorista tras saír da vía en Teo
Tras a súa chegada, as urxencias sanitarias trataron de reanimar o motorista, pero só puideron confirmar o seu falecemento
Un condutor alertou o 112 Galicia do accidente pouco antes das 13:00 horas. Segundo indicou, un motorista quedou inconsciente ao saírse da vía cando o adiantou.
🔴 #AXEGAInforma dun motorista que faleceu tras saírse da vía en Teo.
— 112Galicia (@112Galicia) June 11, 2024
📍 Lugar de Quintáns, Luou.
▶️ Os servizos de emerxencias practicáronlle manobras de reanimación, pero só puideron confirmar o seu pasamento.
🔗 https://t.co/SnrWAfwFiY pic.twitter.com/LrlVCdk1ak
Os xestores do 112 Galicia pasaron o aviso ao Servizo de Urxencias Sanitarias de Galicia-061, que mobilizou o helicóptero medicalizado con base en Santiago ata Santa María de Luou, onde tivo lugar o accidente. Tamén foron informados do suceso os Bombeiros de Santiago, GES de Padrón, Garda Civil de Tráfico, Policía Local e o Servizo Municipal de Protección Civil de Teo.
Tras a súa chegada, as urxencias sanitarias trataron de reanimar ao motorista pero só puideron confirmar o seu falecemento.
