Falece un traballador nas Neves ao caer dunha máquina

Un traballador faleceu tras caer dun vehículo con guindastre en Campiño, na parroquia de Tortoreos, nas Neves. 

O suceso ocorreu pasadas as dúas e media da tarde. Foi un particular quen deu a voz de alarma.  O home estaba a facer un recheo á beira dun muro de grande altura cando o seu vehículo envorcou e el acabou caendo entre o muro e a máquina.

Desde o Centro Integrado de Atención ás Emerxencias-112 Galicia solicitouse a intervención de Urxencias Sanitarias de Galicia-061 e dos axentes da Garda Civil. Con todo, a pesar dos esforzos, o persoal sanitario nada puido facer por salvarlle a vida ao operario.