Falece un home de 85 anos ao chocaren un coche e un camión en Lugo
Falece un home de 85 anos ao chocaren un coche e un camión en Lugo
O sinistro produciuse sobre as seis da tarde deste martes á altura da parroquia de Gondar
Un home de 85 anos faleceu e outra persoa resultou ferida grave tras producirse unha colisión entre un turismo e un camión na estrada LU-530, no termo municipal de Lugo.
O sinistro produciuse sobre as seis da tarde deste martes á altura da parroquia de Gondar.
Segundo a información recollida polos operadores do 112, no momento do accidente o camión non levaba carga. Pola súa banda, no coche viaxaban dúas persoas que necesitaban asistencia sanitaria urxente.
Con esta información, solicitaron a intervención do Servizo de Urxencias Sanitarias de Galicia-061 e dos Bombeiros de Lugo, así como á Garda Civil de Tráfico e da Policía Local.
Xa no lugar, o persoal sanitario non puido facer nada por salvar a vida da vítima. Ademais, a outra persoa ocupante do turismo foi trasladada polos servizos sanitarios.
