Fer López xogará co Celta Fortuna durante o parón de seleccións
Volverá ás ordes de Fredi para xogar ante o Lugo e o Barakaldo, respectivamente
Aproveitando o parón da Liga polos compromisos internacionais das seleccións, a dirección deportiva do Celta decidiu que o atacante Fer López regrese ao filial para xogar os dous próximos partidos de Primeira Federación contra o Lugo e o Barakaldo, respectivamente.
O futbolista, unha das maiores promesas da canteira celeste, non xoga coa Celta Fortuna desde o pasado mes decembro, cando Giráldez decidiu que dese o salto ao primeiro equipo, co que xa acumula 248 minutos na máxima categoría en oito encontros.
A delicada situación clasificatoria do conxunto dirixido por Fredi Álvarez, preto do descenso tras gañar unicamente un dos seus últimos oito partidos, provocou que o director deportivo do Celta, o mexicano Marco Garcés, e Giráldez acordasen que o atacante dispute este mércores o decisivo derbi contra o Lugo, o equipo que pecha a zona de descenso cos mesmos puntos que o filial celeste
