Morre unha muller ao bater a súa embarcación contra unha batea en Vilanova de Arousa

O tráxico accidente aconteceu na ría de Arousa entre Vilanova e a Illa. Unha embarcación semirríxida, de tres metros e medio de eslora, estrelouse contra unha batea e os seus dous ocupantes quedaron feridos.

A parella foi trasladada polos equipos de emerxencia ata o porto de Vilanova. A muller foi a que levou a peor parte. De feito, trataron de reanimala sen éxito en terra pero acabou perdendo a vida. Era veciña de Vilaxoán, tiña 53 anos.

No operativo de rescate participou a Garda Civil e a embarcación Sargadelos de Salvamento Marítimo. O home está ferido grave. Agora, investigan as causas do acontecido.