O mal tempo obriga a suspender o operativo de busca dunha embarcación en Sanxenxo

O mal tempo obriga a suspender o operativo de busca dunha embarcación fronte á costa de Sanxenxo, na ría de Pontevedra. Toda a zona está en alerta laranxa por temporal costeiro.

O 112 Galicia recibiu o primeiro aviso sobre as 20.30 horas do venres cando varios particulares alertaron de que unha pequena embarcación botaba moito fume, preto da praia de Silgar.

Saiu un primeiro operativo no que participou Gardacostas de Galicia, Garda Civil, Salvamento Marítimo e o Real Club Náutico de Sanxenxo.

Non houbo sorte na busca deste venres, e este sábado pola mañá o operativo volveu retomar a busca. Antes do mediodía xa tivo que ser cancelad debido ao mal tempo.

Operativo de busca, este sábado pola mañá, da embarcación desaparecida en Sanxenxo