Rescatan un operario que quedou atrapado máis de catro horas nunha gabia en Vilarmaior
Debido á complexidade da situación, desprazáronse ata o lugar a efectivos dos bombeiros de Betanzos, de Arteixo e de Narón, así como do GES de Mugardos e de Protección Civil de Miño
Logo da súa liberación, o home foi atendido por unha ambulancia medicalizada e trasladado ao hospital
O Consorcio Contra Incendios e de Salvamento A Coruña axudou no rescate dunha persoa que quedou máis de catro horas atrapada nunha gabia de canalización de tubaxes no municipio de Vilarmaior.
Foi sobre as 15:40 horas deste pasado luns cando o parque provincial de bombeiros de Betanzos recibiu o aviso de que unha persoa quedara atrapada de cintura para abaixo nunha gabia durante labores de canalización de tubaxes no lugar de Libureo, na parroquia de Doroña.
Protección Civil de Miño
Debido á complexidade da situación, foi necesaria a colaboración de efectivos doutros servizos de emerxencias da zona, incluíndo persoal dos parques de Arteixo e Narón, así como do GES de Mugardos e de Protección Civil de Miño
Tras máis de catro horas de traballo coordinado, a persoa foi liberada ás 19:30 horas e atendida no punto por unha ambulancia medicalizada. Despois, foi trasladada ao Hospital Arquitecto Marcide de Ferrol.
