Ferrari perde un preito en Galicia por un coche tuneado
Ferrari perde un preito en Galicia por un coche tuneado
A compañía pedíalle máis de dous millóns de euros a un coruñés por un delito contra a propiedade industrial
O home, que tiña un Ford Cougar tuneado coma un Ferrari, foi absolto polo Xulgado do Penal da Coruña
No depósito de coches de Arteixo esta aínda inmobilizado o vehículo protagonista do preito: un Ford Cougar modificado na carrocería e no interior para semellar un Ferrari 430.
Comprouno hai cinco anos, xa con aspecto, un coruñés que foi acusado pola compañía italiana dun delito contra a propiedade industrial. Pedíanlle máis de dous millóns de euros, pero o Xulgado do Penal Número 3 da Coruña exime de toda culpa este home.
Malia estar relacionado cun negocio de compravenda de coches e poñerlle adhesivos publicitarios no lateral, non tiña intención de vendelo como se realmente fose un Ferrari. Tampouco queda probado para o maxistrado o dano reputacional para a marca, nin para os dereitos dos consumidores.
.png)
