Formoso propón unha campaña "afastada do proceso de embarrar" do PP

Valentín González Formoso estivo no acto de presentación da candidatura de Bernardo Fernández Piñeiro, actual rexedor e un dos colaboradores máis estreitos do secretario xeral dos socialistas galegos.

Formoso dixo que os socialistas van facer unha campaña en positivo e puxo en valor o feito de que a comarca eumesa estea gobernada por alcaldes do PSdeG.

Asegurou este domingo que o seu partido fará unha campaña "limpa, construtiva e positiva" e, por tanto, "moi afastada do proceso de embarrar a política que o PP ten habitualmente no ámbito municipal".