Un interno de Bonxe deixa inconsciente un funcionario público dun puñazo
Un interno de Bonxe deixa inconsciente un funcionario público dun puñazo
O sindicato CSIF cre que o centro non reúne as condicións para garantir a seguridade do funcionariado
No cárcere de Bonxe, no concello de Outeiro de Rei, un preso agrediu un funcionario de prisións, cando regresaba da consulta médica. Colleu unha coitela que levaba agochada na mochila e comezou a lesionarse.
Cando o traballador quixo socorrelo, o recluso propinoulle un forte golpe na cabeza que o deixou inconsciente durante varios minutos. Trasladárono ao hospital de Lugo e xa recibiu a alta pero non lembra o acontecido.
O sindicato CSIF mantén que se puido evitar porque o preso xa protagonizara incidentes semellantes con anterioridade e non debera estar nun centro como o de Bonxe, que non ten o equipamento adecuado. Reclama máis medios para evitar agresións.
