Galicia é a quinta comunidade na produción de videoxogos en España

Coñecida como NES, a primeira consola de Nintendo supuxo unha nova era no mundo dos videoxogos. Converteuse nun fenómeno entre os mozos e cambiou a forma de xogar con xogos como o soado Super Mario Bross. Hoxe en día compite con grandes marcas nun mercado en alza que non deixa de innovar. 

Desde os máis mozos ata os adultos, o xogo nas pantallas consolídase como unhas das formas de entretemento máis populares. Xogos que permiten competir con usuarios de todo o planeta ou os chamados "mundo aberto" son os máis demandados. 

Galicia é a quinta comunidade na produción de videoxogos e conta cun crecente colectivo de creadores de contido.

A era dixital permite que os creadores destas propostas de lecer non teñan fronteiras e cheguen a xogadores de todo o mundo.  

Esta industria converteuse no negocio artístico que máis factura, por diante do cine e da música. O ano pasado as vendas, tanto de formato físico coma dixital, superaron os 2.300 millóns de euros en España.