Galicia inicia os tramites para recibir os menores migrantes correspondentes ao 2023

A conselleira de Política Social Fabiola García lamenta que a ministra Sira Rego acusase de insolidarias varias comunidades autónomas no tocante á recepción de migrantes. García asegura que Galicia sempre se mostrou disposta a recibir os menores non acompañados. De feito, dixo, tras asinar un acordo con Canarias xa comezaron os trámites para acoller os 28 menores correspondentes ao 2023.

 O presidente das illas Canarias, Fernando Clavijo, lembra que estamos ante un drama humanitario co que non se debe facer política e pídelle ao goberno recursos e medidas inmediatas.