Galicia, con 35 sendeiros azuis, é a comunidade con máis itinerarios deste tipo

Os chamados sendeiros azuis comunican os portos e as praias distinguidas coa bandeira azul de calidade. Este ano Galicia suma un total de 35, seis máis ca en 2022. É a comunidade con máis itinerarios deste tipo de toda España.

Na parroquia de Caión, no concello da Laracha, está o do Saldoiro, un itinerario de dous quilómetros polo litoral que se estende ata o areal de Baldaio.

A conselleira de Medio Ambiente, Ángeles Vázquez, asistiu ao acto de izado da bandeira que recoñece o valor desta senda como recurso para gozar da natureza e para interpretar a contorna desde unha perspectiva medioambiental.