Galiza Nova réndelle homenaxe a Rosalía e Castelao neste 24 de xullo

Este 24 de xullo Galiza Nova rendeulle homenaxe a Rosalía e Castelao. Foi nun acto en San Domingo de Bonaval que contou coa presenza da voceira nacional do BNG. Ana Pontón instou á mocidade a ser motor dun cambio e sumar para construír un país con futuro.

Antes da ofrenda floral no Panteón de galegos e galegas ilustres, a voceira nacional do BNG mostrouse consciente de que son “tempos moi duros” para a xente moza, pero tamén confiada na súa forza e enerxía.