García Ortiz defende a imparcialidade da Fiscalía Xeral do Estado na súa toma de posesión

Este mércores tomaba posesión do seu cargo o fiscal xeral do Estado. O Goberno defende a traxectoria de Álvaro García Ortiz, en contra do criterio do Consello Xeral do Poder Xudicial e da resolución do Supremo que observou desviación de poder no ascenso de Dolores Delgado, a súa predecesora no cargo.

A lei de amnistía é o maior reto de García Ortiz, que no seu discurso defendeu a imparcialidade da institución: "Quero reivindicar hoxe aquí a neutralidade e obxectividade da figura do Fiscal Xeral do Estado, dunha institución integrada por 2.690 fiscais que diariamente prestan un servizo público co fin de promover a acción da Xustiza", afirmou.