Caballero esixe un plan urxente de contratación en Sanidade, e Pedro Puy respóndelle que é unha solución falsa por inviable

"É o momento de que Feijóo anuncie un plan extraordinario de reforzo de persoal nos servizos públicos da comunidade", dixo o voceiro parlamentario do PSdeG.

Ao que lle respondeu o portavoz dos populares galegos: "Hai que ser obxectivo nas análises e facer propostas construtivas. Dicir que o problema se resolve contratando médicos cando non hai ou non hai posibilidades de contratalos, é unha solución falsa. Quere incidir nunha idea demagóxica: o suposto desmantelamento dunha sanidade pública que ten demostrado que é unha das mellores do mundo".