Grupos folclóricos de varios países renden homenaxe en Ourense ao profesor José Antonio Viñas

Grupos folclóricos de varios países viaxaron ata Ourense para renderlle homenaxe a todo un referente da música tradicional, o profesor José Antonio Viñas, falecido prematuramente hai menos de dous anos.

A primeira actuación desta nova edición do festival internacional Caravan de grupos folclóricos celebrouse no balneario ourensán de Laias.

A partir deste ano o festival vai levar o nome de José Antonio Viñas, ese ourensán respectado en todo o mundo pola súa achega á conservación do folclore e da música tradicional.

Ata Laias desprazáronse grupos de Israel, Romanía, Francia e Italia.

Ademais das actuacións, van visitar lugares emblemáticos da provincia, como a Ribeira Sacra, para coñecer tamén o patrimonio natural e arquitectónico.