Sánchez chama a construír un "relato compartido" na homenaxe ás vítimas do franquismo

O Goberno do Estado celebrou este luns o primeiro Día do recordo e homenaxe ás vítimas do golpe militar, a guerra e a ditadura franquista, tal e como recolle a nova Lei de memoria democrática.

Entregáronse diplomas de recoñecemento aos familiares das vítimas e representantes de distintas asociacións. No acto, o presidente do Goberno dixo que España ten unha débeda cos que defenderon a democracia. Por iso chamou a construír un relato compartido.

Os socialistas galegos tamén se sumaron aos actos en homenaxe das vítimas do franquismo, cunha ofrenda floral ante o castelo de San Filipe en Ferrol, en recordo de todos aqueles que perderon a vida fusilados ante estes muros despois do golpe de Estado de 1936.