Hospitalizado un veciño de Tomiño de 78 anos tras ser atacado por avespas
Hospitalizado un veciño de Tomiño de 78 anos tras ser atacado por avespas
O 061 mobilizou dúas ambulancias de soporte vital básico e o helicóptero medicalizado con base en Ourense, pero finalmente non foi necesario
Os servizos de emerxencia trasladaron ata o hospital Álvaro Cunqueiro de Vigo un veciño de Tomiño de 78 anos afectado por picaduras de avespa.
O 112 recibiu unha chamada de emerxencia dunha persoa que non tiña moita información sobre o suceso, pero os servizos de emerxencia localizárono na zona do monte Valiña.
O 061 mobilizou dúas ambulancias de soporte vital básico e o helicóptero medicalizado con base en Ourense, pero finalmente non foi necesario.
Os profesionais desprazados en ambulancia fixéronse cargo do home e, tras darlle unha primeira asistencia, trasladárono ata o hospital Álvaro Cunqueiro de Vigo.
