Idiakez: "O equipo está con moita ilusión, desexando que chegue o partido de mañá"

Imanol Idiakez, adestrador do R. C. Deportivo, mostrouse este venres “moi ilusionado” ante o debut do seu equipo en LaLiga, mañá no estadio de Riazor ante o Real Oviedo, un equipo que reforzou a súa idea de xogo coa chegada de Javi Calleja ao seu banco.

“Salvo a Santi Cazorla, que non sabemos se vai chegar aínda que é posible que estea na convocatoria, vimos a todos os xogadores do Oviedo" no estadio Teresa Herrera, afirmou.

Engadiu que "por iso podemos intuír por onde van os tiros" e sinalou que "a idea de xogo do Oviedo non vai cambiar, o ano pasado xa deron un paso adiante nese aspecto con Carrión e este ano reforzárona con Calleja. Temos claro que Oviedo imos atopar".

Na súa comparecencia ante os xornalistas, o técnico branco e azul dixo que o seu equipo chega ben ao comezo do curso porque mantén “unha boa base” do bloque da pasada tempada, o que supón “unha vantaxe” porque non tiveron que realizar “grandes adaptacións”.

“O equipo está con moita ilusión, desexando que chegue o partido de mañá. Despois destes catro anos tan difíciles, oxalá mañá sexa un gran día”, indicou Idiakez.

Idiakez non quere marcarse un obxectivo a longo prazo.

“Temos que ser o suficientemente humildes para saber de onde vimos e o nivel dos nosos rivais porque é unha da Segunda División máis dura da historia, con moitísimos aspirantes para subir a Primeira. O primeiro é sumar 50 puntos e a partir de aí seguir crecendo”, destacou.

Os de Idiakez terán que adaptarse ao VAR.

"Tivemos unha charla cun árbitro. O VAR cambia cousas, por exemplo no fóra de xogo deixan seguir case todas".