Comisan 4 toneladas de haxix en Sevilla camufladas en envoltorios de chocolates
Comisan 4 toneladas de haxix en Sevilla camufladas en envoltorios de chocolates
A droga localizouse en dúas parcelas da localidade da Puebla del Río
![](https://img-g24-crtvg.flumotion.com/prog24/2024/20240515/haxix-chocolatinas-sevilla-2-150524.jpg)
A Garda Civil incautouse na Puebla del Río (Sevilla) de 4.000 quilos de haxix, a maioría deles dosificados en pequenas cantidades e camuflados con envoltorios de chocolates.
Segundo informou este mércores a Garda Civil, a operación levouse a cabo a finais de abril, cando os axentes observaron unha furgoneta circulando por unha zona próxima ao río realizando unhas manobras que levantaron sospeitas.
Os axentes seguiron a furgoneta e comprobaron que efectuou dúas paradas en dúas parcelas da localidade, o que fixo sospeitar que poderían ser dúas garderías de haxix.
Nesas parcelas había varias persoas que se ocupaban da seguridade e que, ao ver a presenza de axentes uniformados, abandonaron o lugar apresuradamente campo a través.
No rexistro das parcelas, a Garda Civil atopou 4.000 quilos de haxix, unha plantación con 260 plantas de marihuana, dúas furgonetas subtraídas e numerosa documentación.