Incrementemos a oferta, por Venancio Salcines

O Banco de España está a dicir o que xa comentamos en máis ocasións nesta columna, que no mercado da vivenda temos un problema de oferta e, por tanto, toda medida que se aprobe debe impulsala. Algo que parece sinxelo non entra nas estratexias do Goberno, que unha vez tras outra se empurra en lanzar medidas dirixidas á demanda. A última é o bono vivenda, que pode funcionar como unha medida paliativa, pero nunca como unha solución a un problema que non se quere dimensionar no xeito apropiado.

Temos neste momento un déficit de medio millón de vivendas. Cada ano confórmanse preto de trescentos mil fogares e constrúense soamente cen mil vivendas. E isto ocorre nun país con preto de catro millóns de vivendas baleiras e centos de miles de edificacións a medio acabar, herdanza do boom inmobiliario.

O camiño ten que pasar por varias vías, a primeira apoderar o propietario para que oferte o seu inmoble pechado; o segundo, beneficios fiscais para a restauración de vivendas pechadas. E se queremos apoiar a demanda, o xeito é similar: incentivos fiscais, esencialmente deducións no imposto sobre a renda e baixada da carga fiscal vencellada á compra-venda de vivendas.