Ingresan en prisión os tres condenados por abusar dunha nena da súa familia en Baleira
Ingresan en prisión os tres condenados por abusar dunha nena da súa familia en Baleira
Aceptaron a pena o pasado 17 de xaneiro na Audiencia Provincial de Lugo cun acordo que rebaixaba de 11 a 3 os anos de prisión
Xa están en prisión os tres condenados por abusar dunha nena da súa familia en Baleira ata deixala embarazada.
O matrimonio condenado por abusar da menor, a irmá e o cuñado da vítima, ingresaron no centro penal á primeira hora da tarde deste mércores, mentres o terceiro implicado, irmán e cuñado da parella, fíxoo posteriormente.
Os acusados aceptaron a pena o pasado 17 de xaneiro na Audiencia Provincial de Lugo cun acordo que rebaixaba de 11 a 3 os anos que pasarían no cárcere.
Este mércores comezan a cumprir a condena, o día en que remata o prazo que lles dera o xulgado para ingresar voluntariamente en prisión.
A menor padeceu abusos sexuais dos seus familiares na propia casa dende que tiña sete anos ata que con trece quedou embarazada do seu cuñado. Daquela interviñeron os servizos sociais e o neno foi dado en adopción.
Os seus veciños agardaban que chegara este día.
O alcalde da vila, Enrique Martínez-Puga insistía en que "estamos totalmente indignados e consternados. Desexando que esto pase e que Baleira se coñeza polo que ten que coñecerse. Non hai relación con eles. A xente non quere ter relación con eles".
A vila viviu ignorante do horror que estaba pasando a menor. Coñecérono pola sentenza, sete anos despois de que a cativa quedara embarazada do seu cuñado.
