Intenta pagar con billetes falsos de 50 euros en dous establecementos de Santiago
Intenta pagar con billetes falsos de 50 euros en dous establecementos de Santiago
A empregada dun dos locais avisou o resto de establecementos e chamou a policía, permitindo a detención do individuo
A Policía Nacional detivo en Santiago un home por falsificación de moeda. O detido intentou pagar cun billete de 50 euros falso en dous establecementos hostaleiros.
A rápida actuación da empregada dun dos locais, ao chamar a policía e avisar o resto dos establecementos, permitiu a detención do individuo.
O arrestado xa é coñecido polas forzas e corpos de seguridade da capital galega, pero desta volta os axentes puideron pillalo na allada.
O detido entrou, pediu un café e pagou cun billete de 50 euros, pero a camareira comprobou a súa autenticidade cun rotulador detector de billetes falsos e ao dicirlle que non era legal o individuo entregoulle outro billete de 50.
Nese intre saíu do local e ao ver que se dirixía cara a outro establecemento chamaron a Policía Nacional e tamén avisaron o bar ao que se dirixía o delincuente, situado a escasos metros, e aí volveu repetir o mesmo procedemento.
Ao final ao detido comisáronlle 7 billetes de 50 euros falsos.
