Interceptan un camioneiro en Guitiriz que superaba 10 veces a taxa permitida de alcol

A Garda Civil interceptou en Guitiriz un camioneiro que superaba en máis de dez veces a taxa de alcol pemitida para os transportistas.

Os axentes, que realizaban un control de verificación de transportes, percibiron un forte cheiro a alcol polo que inmediatamente procederon a realizarlle unha proba. O condutor, un lituano residente en Alacante, foi citado para un xuízo rápido en Vilalba pola comisión dun delito contra a seguridade viaria con pena de prisión de ata seis meses.