Investigan como posible caso de violencia vicaria a morte de dous nenos e seu pai en Barcelona

Os Mossos d'Esquadra investigan a morte dun pai e os seus dous fillos no interior dun piso do distrito barcelonés de Horta-Guinardó, intoxicados debido a unha gran concentración de gas acumulada no inmoble.

Segundo informaron fontes municipais, efectivos dos Bombeiros de Barcelona están a levar a cabo xestións para garantir a seguridade do inmoble e activaron axentes da policía científica dos Mossos para que investiguen as circunstancias do suceso.

Segundo avanza La Vanguardia, a nai dos nenos avisou as autoridades ao non ter noticia do seu exmarido, que debía entregarlle os dous pequenos despois das festas do Nadal.