Investígase como violencia machista a morte dunha muller en Valencia
Investígase como violencia machista a morte dunha muller en Valencia
Un home foi detido por quebrantar a orde de afastamento que tiña sobre a vítima
![](https://img-g24-crtvg.flumotion.com/prog24/2022/20220502/violenciadexeneroxeral.png)
A Garda Civil localizou este xoves o corpo sen vida dunha muller de 49 anos no seu domicilio na localidade valenciana de Godelleta. Segundo fontes da Benemérita, o cadáver non presentaba signos de violencia, pero, con todo, procedeuse á detención dun home por quebrantar unha orde de afastamento que tiña sobre a vítima.
Axentes do Equipo Territorial de Policía Xudicial de Riba-roja de Túria fixéronse cargo da investigación e o cadáver foi trasladado ao Instituto de Medicina Legal de Valencia para practicarlle a autopsia e esclarecer a causa da morte.
A Delegación do Goberno contra a Violencia de Xénero está a solicitar datos do asasinato por presunta violencia de xénero.