Javi Rodríguez renova co club da súa vida ata o 2028
Javi Rodríguez renova co club da súa vida ata o 2028
Natural de Poio, Javi Rodríguez chegou á Madroa en categoría Benjamín B e desde entón escalou cada unha das categorías ata chegar ao primeiro equipo
O canteirán, Javi Rodríguez, amplía a súa vinculación co R. C. Celta ata 2028. O xogador, cun gran protagonismo no primeiro equipo, revalida o seu compromiso co club que o viu medrar por catro tempadas máis.
Natural de Poio, Javi Rodríguez chegou á Madroa en categoría Benjamín B e desde entón escalou cada unha das categorías que conforman a canteira ata converterse nun xogador importante para o conxunto que dirixe Claudio Giráldez. A súa calidade, a súa saída de balón e esa valentía defensiva que lle caracteriza levárono a asentarse con forza na dinámica do primeiro equipo.
𝗢𝗙𝗜𝗖𝗜𝗔𝗟 📣 Javi Rodríguez renova co #RCCelta!
— RC Celta (@RCCelta) October 22, 2024
🙌 O canteirán poiense continuará no clube ata 2028 tras toda unha vida como celeste.
Moitos parabéns, @javirguez03 🩵
#OrgullodeCanteira pic.twitter.com/phvQPC9CnL
Con máis de 4.400 minutos defendendo a camiseta celeste, 6 goles e 2 asistencias, Javi debutaba co R. C. Celta o 1 de novembro de 2023 na vitoria ante o Turégano C. F. en Copa do Rei. De corazón e sangue celeste, a traxectoria de Javi Rodríguez transcorre na súa totalidade nas instalacións deportivas da Madroa onde o defensa chegaba con tan só 7 anos.
Aquel neno que cargado de ilusión fantasiaba con ser futbolista viu o seu soño feito realidade no club celeste. Catorce anos de traballo, esforzo e dedicación leváronlle a debutar na LIGA EA SPORTS na primeira xornada da tempada 24/25 ante o Deportivo Alavés en Abanca Balaídos.
Desde ese momento, Javi Rodríguez participa cada fin de semana na máxima categoría do fútbol español chegando a ser destacado pola eficacia dos seus pases, o que o converte nunha das principais revelacións da tempada.
