Laza celebra por todo o alto o seu famoso Luns Borralleiro

O de hoxe en Laza non é un luns calquera, é o Luns Borralleiro, un dos días grandes do Entroido.

Tras varios días de festa reséntense as gorxas, pero as ganas de troula seguen intactas veñas de onde veñas.

De a pouco vaise unindo a xente e de repente e case de improviso comeza a farrapada.

Difícil saír indemne da praza da Picota, que pola tarde acollerá a que é sen dúbida a súa cita máis multitudinaria no Entroido: as formigas e a baixada da morena de Cimadevila.