Levan máis dunha década sufrindo ocupacións ilegais, filtracións e sucidade en Ferrol
Levan máis dunha década sufrindo ocupacións ilegais, filtracións e sucidade en Ferrol
Din que a situación é grave porque o inmoble abandonado está entre unha farmacia e o ambulatorio
Agora agardan que actúe o xulgado
Abandonado e con risco de derruba. Así está desde hai dez anos un inmoble da praza de España de Ferrol. Veciños e comerciantes din que do edificio entra e sae xente constantemente e preocúpanlles estas ocupacións ilegais.
Explican que malia que foi apuntalado hai seis anos é un verdadeiro perigo para as persoas que se meteron a vivir nel.
E por se isto fose pouco, o inmoble en cuestión está entre unha farmacia e o centro de saúde. Amais, cando chove, as vivendas lindeiras sofren filtracións e teñen humidades.
Din que están cansos de presentaren queixas e non obter respostas, así que hai xa oito meses iniciaron un contencioso-administrativo e agora agardan que actúe o xulgado.
