Localizan o cadáver dunha muller nunha poza de regadío en Arbo
Localizan o cadáver dunha muller nunha poza de regadío en Arbo
Un familiar seu encontrou o corpo sen vida nunha zona de pouca profundidade
A Axencia Galega de Emerxencias AXEGA informa da localización do corpo sen vida dunha muller nunha poza de regadío en Arbo, no lugar de Rozas, Sela.
Un familiar da muller falecida atopou o cadáver nunha zona de pouca profundidade. Polo momento descoñécense as causas do tráxico suceso.
Os servizos sanitarios acudiron ao lugar, pero só puideron confirmar a morte. Desde o Centro Integrado de Atención ás Emerxencias informouse a Urxencias Sanitarias de Galicia-061, á Garda Civil e aos efectivos do GES-SPEIS de Ponteareas.
Os servizos sanitarios mesmo chegaron a valorar a saída do helicóptero medicalizado, con base en Ourense, pero a intervención non foi necesaria.
🔴 #AXEGAInforma da localización do corpo sen vida dunha muller nunha poza de regadío en Arbo.
— 112 Galicia (@112Galicia) August 24, 2024
📍 Lugar de Rozas, Sela.
➡️ Foi atopada por un familiar nunha zona de pouca profundidade.
🔗 https://t.co/AzRds6pXU3 pic.twitter.com/tniNmw2NGp
