Futuro complicado para algunhas das poucas tendas de tecidos polo miúdo que seguen en activo

Tendas dedicadas á venda de tecido polo miúdo en que ademais confeccionan e colocan roupa de fogar van quedando poucas. É a situación da de Celia no bario coruñés dos Mallos. Pero chega a xubilación e, sen renovación familiar, ela quere que o negocio siga activo polo ben asentado que está.

"É interesante pola calidade do produto que ofrece, pola proximidade e máis; que non vai haber outro que funcione así, cunha carteira de clientes moi ampla, da contorna toda e de lugares de fóra", di Celia López Cernadas, propietaria da tenda.

A variedade de xénero tamén é evidente. Pero, polo que di a clientela, o valor maior do negocio está no bo facer que lle aplicou Celia. Pura e Carmen son só dous exemplos.

"Ese trato co público agora non abunda moito; ti tés moita facilidade para o público, moi boa cara".

"É unha muller marabillosa. Ímola estrañar moito".

"Moitas grazas. Pero eu tamén as vou estrañar moito, porque son como familia", di Celia.

Con trinta anos dedicada a esta faceta comercial, e para que a clientela non a estrañe tanto, Celia ofrece o negocio en traspaso. Asegura que dá para viviren ben dúas persoas.  

"Si, preguntáronme, onte mesmo", afirma Celia.

"-Considera que a tenda seguirá tras a súa xubilación?
-Si, acabará sendo posible. Eu teño esa esperanza". Así conclúe a propietaria actual da tenda CLC.