Madamas e galáns danzan nos Entroidos de Darbo e Cobres

As madamas e os galáns percorren dende ben cedo as parroquias de Santo Adrán e Santa Cristina de Cobres, no concello de Vilaboa.

Este Entroido, declarado de Interese Turístico Galego, mantén a súa danza tradicional, que se caracteriza pola vestimenta rechamante e por facerse a cara descuberta. É unha herdanza viva do século XVIII, que vai pasando de pais a fillos.

En Darbo, no municipio de Cangas, tamén festexan o seu Entroido tradicional con damas e galáns. As gaitas acompañan os bailes nun pasacalles polos barrios, como se facía antigamente coa vestimenta branca.

Grazas ao traballo da Asociación Cultural Lembranzas da Ría, recuperaron unha tradición esquecida.