Máis de 3.000 persoas participan na Ourense Gaming Experience

A afección aos videoxogos conquista escenarios cada vez máis grandes. Esta fin de semana, o Auditorio de Ourense, ao completo, acolleu a primeira edición dun evento de gaming que aspira a converterse nun referente en Galicia.

Ao longo da fin de semana 3.500 persoas pasaron polo Auditorio. Seguírono, a través de Twitch 30.000 persoas e calculan que o impacto nas redes sociais superará os dous millóns, o que converte este evento nun dos máis importantes celebrados en Galicia.

Rodeáronse, para conseguilo, de persoas con influencia. Desde Raúl García, DondeGentes, transmitindo en directo, á tiktoker Carla Gabián, con 350 mil seguidores.